Umdlalo obuphakathi kwe-Orlando Pirates Fc vs Al Ahly Fc womqudelwano wompetha bamazwe azezwenikazi i-Afrika owaziwa ngeCAF Champions League izolo ntambama, noqale kubumbana ihora lesithathu enkundleni i-Orlando Stadium, eSoweto, Egoli. Kulomdlalo wezikanobhutshuzwayo alikho iqembu eligcine livuma ukugoba uphondo ngoba bedlale ngokulingana ngeqanda nhlangothi zombili. Lomdlalo uqale ngeskhathi ilanga belikhipha umkhovu etsheni ukushisa ngoba bekubuye kumiwe kube nesikhathi sokuphuza amanzi kubadlali ngenhloso yokwehlisa ukushisa.
Kulomdalo obubhekwe ngabomvu ngoba phela amathikithi awo athengwe wonke ungakaqali umdlalo. Lokho bekusho lukhulu eqembini ebelidlala ekhaya okuyi-Orlando Pirates ngoba iyakwazi ukubaluleka kokunqoba umdlalo wasekhaya kulomncintiswano ngoba kuba nzima kakhulu uma usuyodlala ekuhambeni. Abahlaziyi bezemidlalo ngaphansi kweBhola lezinyawo bathi vele iqembu laseGibhithe okuyi Al Ahly Fc ize kulomdlalo vele ibheke iphuzu elilodwa ngoba phela bebesekuhambeni. Umthwalo usele neqembu laseSoweto lona eselihlalelwe ukuyodlala ekuhambeni, nalapho abaningi abangalithembisi lutho olubuyayo.
Ukuqubeka komdlalo wonke
Umdlalo uqale kahle lapho ebengekho obefuna ukuphuthuma omunye kodwa iqembu lokuhamba belilokhu lingaphezulu ngebhola. Lomdlalo uye ekhefini engekho othole ikhadi nakuba uTalent Mbatha besekhuzwe kaningi unompempe ngokudlala kabi. Izinguquko ziqale ngesiwombe sesibili lapho iqembu lezivakashi lase-Egypt likhiphe abadlali ababili ngomzuzu wamashumi ayisithupha nantathu (63) lapho bekhiphe u Abou Ali W bafaka uPercy Tau baphinde bakhipha u-Ashour E bafaka u-Afsha.
Lomdlalo ubewuphethe kahle unompempe wase Maroutina u-A Bouh ngoba bengawakhiphi amakhadi bekhuluma nabadlali. Ngomzuzu wamashumi ayisithupha nesishiyagalolunye(69) neqembu lasekhaya i-Orlando Pirates lenze ushintsho lakhipha uD Hotto lafaka uM Nkota laphinde lakhipha u-E Mokgopa lafaka uT Mabasa. Kodwa phezu kwalezo zinguquko alikho eligcine likwaze ukuthola igoli lokubika nokuthe ngemzuzu yokuphela komdlalo kusuka emzuzwini wa81 ezimnyama zakhipha uT Mbatha zafaka uK Dlamini, ngo82 zakhipha uM Makhawula zafaka uM Timm. Kwavale iqembu lokuhamba ngomzuzu wama83 lakhipha uR Slim lafaka uH El Shahat. Umdlalo uphele zibambele nangeBall Position okekuwu 50% nhlangothi zombili.
Isiyonke imidlalo yeCAF ebidlalwa izolo nansi imiphumela yawo.
Umdlalo owadlalwa ngolwesinu waba wodwa nakuwona emaqenjini ayedlala alikho elakwazi ukufaka igoli. Ngoba iSagrada Esperanca 0-0 ES Tunis. Eyayizolo yona imidlalo edlaliwe ihambe kanje MC Alger 2-0 Young Africans AS Far 1-1 Mamelodi Sundowns Stade d’ Adidjan 0-1 CR Belouizdad Maniema Uniun 1-1 Raja CA
Imidlalo edlala namhlanje yeCAF
Djoliba vc Pyramids lomdlalo udlala namhlanje ngehora lesithupha (18:00), lomdlalo okaGroup D ozodlalelwa eStade du 26 Mars, eCarmeroon. Al-Hilal vs TP Mazembe bona badlala ngehora lesishiyagalolunye (21:00).