Namhlanje kwakubekwa iSilo uGoodwill Zwelithini kaBhekuzulu wayeyinkosi yesishiyagalombili yamaZulu. Wayenesikhundla esiphezulu kunabo bonke abaholi bendabuko eNingizimu Afrika futhi wabusa cishe iminyaka engama-50.
Isilo Goodwill Zwelithini kaBhekuzulu wazalwa ngoJulayi 27, 1948, kwaNongoma esifundazweni saseNatali (manje eyiKwaZulu-Natal), eNingizimu Afrika. Wayeyindodana endala yeSilo uCyprian Bhekuzulu kaSolomon nomkakhe wesibili, iNdlovukazi uThomo.
Isilo Zwelithini Bhejane phuma esiqiwini kade bekuvalele waqeqeshelwa amasiko amaZulu. Ngesikhathi uyise ekhothama ngo-1968 uMdlokombane wabe eselandela umugqa wokuba yiSilo samaZulu. Nokho kwaqokwa ibamba bukhosi lesikhashana kwaze kwaba yilapho uBhejane eqeda izifundo zakhe
Isilo uGoodwill Zwelithini KaBhekuzulu yagcotshwa njengeSilo yamaZulu ngoDisemba 3, 1971, emcimbini wesintu kwaNongoma. Lo mcimbi ubuhanjelwe ngabantu abangu-20 000.
Umthetho waseNingizimu Afrika uthi indima yenkosi yakwaZulu iwumkhosi futhi ayibandakanyi izinqumo zezombusazwe. Umntwana Mangosuthu Buthelezi wayengungqongqoshe omkhulu waKwaZulu, indawo okwakuhlala kuyo amaZulu. Wenza zonke izinqumo ezibalulekile zezombusazwe kumaZulu. Kwake kwaba nokungaboni ngaso inyephakathi kweSilo uZwelithini kaBhekuzulu noButhelezi. Nokho, ubuhlobo babo baba ngcono ngokuhamba kweminyaka. Bakulungisa ukungaboni ngaso linye bazwana kakhulu
INkosi uGoodwill Zwelithini yayinezigodlo eziningi kwaNongoma. Njalo ngoSepthemba kuba nomkhosi obizwa ngeRoyal Reed Dance (noma uMkhosi woMhlanga) kwaNongoma. Uheha izinkulungwane zabantu, uphinde ukhuthaze izingane zamantshikazane ngokuziphatha kahle.
Inkosi uGoodwill Zwelithini ibibambe iqhaza emikhankasweni yokulwa nalesi sifo esibi esibizwa ngengculazi. Wenza nemizamo yokulondoloza nokukhuthaza amasiko abantu bakwaZulu. UZwelithini wayeyinkosi yamaZulu esebenze isikhathi eside kunabo bonke ngesikhathi ekhothama ngoMashi 12, 2021. Bekungakacaci ukuthi iyiphi ezinganeni zakhe ezingu-28 ezongena esikhundleni sakhe njengombusi. Kodwa kwagcina kuhlale iSilo uMisuzulu kaZwelithini.