UMinenhle Makhaye ophoyisa le-SAPS elisolwa ngokukhwabanisa namanye amacala okusebenzisa ikhadi lasebhange lesisulu sokudunwa imoto ukuthenga utshwala – usebuyele enkantolo namhlanje ekuseni.
Lokhu ukuqhubeka kwesicelo sakhe sebheyili.
Ngesonto eledlule, uWarrant Officer Sivan Naidoo – ongumseshi woKlebe – uthe abakuphiki ukuthi kungenzeka umnz Makhaye amataniswe nabaduni abashayela babulala uZarah Ramsamy, 11, ngoSepthemba.
UMakhaye uphinde watholwa namakhadi asebhange angu-272, amanye awo antshontshwa ngesikhathi sodlame lwezibhelu lwangoJulayi 2021.
Amanye alawo makhadi athathwe kwa-Absa eBridge City KwaMashu, okuyigatsha elalimala u-R1.3-million ngaleso sikhathi.
Amanye bathathwe e-African Bank enxanxatheleni yezitolo efanayo.
Umsakazo wamaphoyisa ongazange unikezwe yena – nawo watholakala esandleni sakhe ngosuku aboshwa ngalo ngenyanga edlule