Namuhla zingu 19 kuNhlolanja 2024 ,oKlebe baseMgungundlovu abangamalunga (Pietermaritzburg Serious Commercial Crime Investigation) sebebophe abasolwa ababili abaneminyaka elinganiselwa ku 31 omunye 43 ngokukhwabanisa kanye nokushushumbisa inkece yezintandane esikhwameni Guardian Fund. Lokhu kubalulwa ukuthi kwenzeke emahhovisi oMnyangweni Wezobulungiswa Nokuthuthukiswa Nomthethosisekelo ( Department of Justice and Constitutional Development Offices) eMgungundlovu.
Kusolakala ukuthi ngomhlaka 6 Mbasa 2023 kwakhokhwa imali ngomgunyathi isuka ebhange loMnyango Wezobulungiswa kukhokhelwa ibhizinisi elingenamvume yokuthola leyomali. Leli business lakhokhelwa imali engange R17 782 132.59 okwakungekho emthethweni ukuba lizuze leyomali.
Kwabe sekuvulwa icala lenkohlakalo esteshini samaphoyisa aseMgungundlovu, nokwathi idokodo lalelicala ladluluselwa koKlebe okuyibona uphiko uluphenya amacala abucayi. OKlebe basebenzisane ngokubambana nophiko lwezokushushisa lukahulumeni olwaziwa ngNational Prosecuting Authority, Asset forfeiture Unit and Financial Intelligence Center ukudla izimpahla zababoshiwe nokubuyisa kwemali elinganiswa ku R8 million kulena eyatshotshwa abasolwa.
Labasolwa ababoshiwe kulindeleke ukuthi bavele phambi kweMantshi eNkantolo kaMantshi yaseMgungundlovu kusasa , ngomhla wama 20 kuNhlolanja 2024. Kubikwa ukuthi baningi abasazokhalelwa amasongo kasgonyela njengoba uphenyo lusaqhubeka.
Umphathi onguMqondisi KwaZulu-Natal (Directorate for Priority Crime Investigation Provincial Head, uMajor Genaral (Dr) Lesetja Senona ukushayele ihlombe ukusebenza kwamaphoyisa waphinde wasamukela isiphakamiso sokuboshwa kwabasolwa.