Ifemu yaseGoli yathembisa ukuqasha ngokuqeqesha intsha elinganiselwa ku75, 000 kanti bazoqasha abayikhulu namashumi amane nambili base beyidla yonke inzuzo.
Lenkontileka banikwa ngaphandle kokulandela imigudu efanele yamathenda, konke lokhu kuyinxenye kahulumeni yaseGauteng owaziwa ngeVuthela project, okwakuwuhlelo lukahulumeni lokuvula amathuba omsebenzi uphinde uthuthukise osomathuba abasafufusa kanye nentsha engasebenzi. Lokhu kuveza ubuthaka kuhulumeni nezinkampani eziseceleni ngokusebenzisa ithubalokusweleka kwemisebenzi belisebenzisele ukufeza izinhloso zabo zobuqola.
Loluhlelo lwalusungulwe iGauteng Enterprise Propeller(GEP) okwakuhlelwe ngayo ukuvulela intsha imisebenzi,lento yayqalwe ngoNhlangulane 2016 uLebogang Maile, owayenguNgqongqoshe wezomnotho,ezemvelo,ezolimo kanye nokuthuthukisa indawo zasemakhaya.
Emva kophenyo olwenziwa iGEP ngalenkontileka yalomsebenzi owawenziwa Amahlo Consulting okuyona eyenza lobugebengu,nayo yangena ngokungekho emthethweni kwaze kwashicilelwa inkontileka ngokungekho emthethweni ngaphandle kwemvume yebhodi leGEP nowayebambe njenge CEO Leah Manenzhe. GEP yona yaqinisekisa ukuqashwa kwabayikhulu namashumi amane nambili 142 abasebenza sakufunda.
Ngokwamaphepha afakwe enkantolo yiGEP enkantolo ephakeme eseningizimu neGauteng, labasebenzi babekhohliswa nje ngeholo lika R1500 umuntu ngamunye,lapho Amahlo ahlomula inzuzo yezigidi ezingama R52.
GEP yase ilufaka enkantolo, ifuna kubuye izigidi zawo ezikwi Amahlo. Nalapho inkantolo enqume ngokuseka iGEP ukuthi imali ayibuye.
Amahlo acele inkantolo imvume yokulidlulisela phambili is inquma senkantolo. Lesicelo kulindeleke ukuthi lizwakale ngoLwesibili.